Менің жеке ресми блогыма қош келдіңіздер!
Біздің қаламыздың дамуына аландайтын өміріміздегі оң өзгерістерге талпынатын қолданушыларымды кездестірем деп үміттенемін. Сіздер көкейлеріңізде жүрген сауалдарыңызды, шешімін тапппаған мәселелеріңізд, құнды пікірлеріңізді, маңызды ұсыныстарыңызды, тілек ниеттеріңізді жолдауға болады. Сіздердің жолдаған тілектеріңізбен сұрақтарыңызға нақты жауабымды беруге, ал, идеяларыңызбен сыныстарыңызды тыңғылықты талқылап қажетімен жаратуға дайынмын. Осындай жақын пікір алмасуымыз біздің өміріміздің сапасын көтеріп жүйелендіретіне сенімдімін.
 
 

Оқиғалар
Құрметті қала тұрғындары! 
Сіздерді Конституция күнімен шын жүректен құттықтаймын.
Бұл күн — халқымыз үшін аса қастерлі, ең ұлық мереке. Халықтың өзі дауыс беріп, қабылдаған Ата заңымыз өркениетті мемлекеттің барлығына тән демократиялық қағидалармен толық қамтылды. Конституция бірлігіміздің тұрақтылығын, мемлекеттік құрылыс пен еліміздің тұтастығын бекітіп берді.
Әрбір азаматтың өзін тең сезінуіне және құқықтарын сақтауына берік негіз болды. Жасампаз жаңа дәуірге кең жол ашты. Еліміздің жеткен жетісігі мен алған белесі осы тұғырлы Конституцияның арқасында мүмкін болды. Ата заңымызға деген ерекше құрмет біздің сеніміміз бен күшіміздің қайнар көзі. Бірлігі жарасқан қазақ елі аз уақытта айбары асқан қуатты ұлтқа, дәулеті тасыған күшті мемлекетке айналды. Бұл орайда Ұлт басшысы Нұрсұлтан Назарбаевтың: «Конституция Қазақ елінің өркендеуі мен өрлеуінің негізі» деген қанатты сөзі еріксіз еске түседі. Қазақстан қазіргі таңда тарихи өрлеу кезеңінде.
Бүкіл еліміздегі сияқты, біздің өңірде де елеулі оң өзгерістер орын алуда. Осының бәрі біздің болашаққа сеніммен қарап, Елбасы алдымызға қойған міндеттерді лайықты орындауымызға мүмкіндік береді.
Құрметпен,
Курчатов қаласының әкімі А. Глазинский
Пікірлер
Құрметті Ұлы Отан соғысының ардагерлері, тыл еңбеккерлері! Құрметті курчатовтықтар!
Сіздерге терең құрмет көрсетіп, бас ие отырып Ұлы жеңіс күні мерекесімен шын жүректен құттықтаймын! Жеңіс күні — бүкілхалықтық қасиетті мереке. Оны әрбір қазақстандық отбасы мерекелейді, ол біздің барлығымызды біріктіреді. Ұлы Отан соғысының отты жылдарының тарихы жыл сайын бізден алыстап барады, бірақ біз ешқашан да халықтың ұлы ерлігі мен Отанымызды өз өмірін қия отырып сақтап қалған ерлеріміздің есімдерін ешқашан да ұмытпаймыз. Біздің ардагерлеріміз, майдангерлеріміз, тыл еңбеккерлері, біздің елімізді сұрапыл соғыстан кейін қалпына келтіргендердің баршасы жасай берсін.
Ардагерлеріміздің жастар бойында Отанға деген сүйіспеншілікті қалыптастыруда үлгі көрсетіп келе жатқаны, балалары мен немерелерін өз Отанының патриоты болуға тәрбиелеуі бізді қуантады.
Құрметті ардагерлер Сіздерге әскери және бейбіт өмірдегі еңбектеріңіз, баға жетпес өмірлік тәжірибелеріңіз және белсенді адамгершілік көзқарастарыңыз үшін үлкен алғыс білдіреміз. Майдангерлер мен тыл еңбеккерлеріне, соғыс жесірлері мен балаларына бас иеміз, себебі біздің көп ұлтты мемлекетіміздегі ұлттар арасындағы достық пен келісімді сақтай отырып бүгінгі Қазақстанды қалыптастырудың іргетасын Сіздер қаладыңыздар.
Ұлы ерлік халықтың баға жетпес төзімділігі мен қайсарлығының барлық болашақ ұрпақ үшін мәңгілік үлгісі болып сақталып қалады!
Ұлы жеңіс тарихы патриотизмге тәрбиелеудің, қазіргі жастарды отансүйгіштікке тәрбиелеудің барлық болашақ ұрпақ үшін басты үлгісі болып қала беруі үшін барлық жағдайды жасау біздің борышымыз.
Құрметті ардагерлер! Құрметті тыл еңбеккерлері, соғыс жесірлері мен балалары! Сіздердің Отан үшін жасаған ерлік істеріңіз үшін алғысымызды қабыл алыңыздар! Осы мереке күні сіздерге мықты денсаулық, ұзақ ғұмыр, бейбітшілік, игілік, туыстарыңыздың қамқорлығын тілеймін!
Ұлы жеңіс күні мерекесімен құттықтаймын!
Құрметпен,
Курчатов қаласының әкімі А. Глазинский
Пікірлер
ҚР Ардагерлер ұйымының 30 жылдығына арналған салтанатты жиын

14 сәуір күні қалалық мәдениет үйінде Қазақстан Республикасы Ардагерлер ұйымының 30 жылдығына арналған салтанатты жиын өтті. Құттықтау сөзінде қала әкімі Алмас Ондақанов  қоғамда белсеңділік танытып, жастарға тәлім-тәрбие беріп жүрген еңбек ардагерлеріне, қала кәсіпорындары, мекемелері мен ұйымдарындағы бастапқы ардагерлер ұйымдарына алғысын айтты. Белсеңді ардагерлерге алғыс хаттарымен және мадақтамалармен марапатталды. Салтанатты жиын қалалық мәдениет үйі ұйымдастырған мерекелік концертпен жалғасты.

 

Пікірлер
Курчатов қ. әкімі азаматтардың жеке қабылдауын өткізді

29 наурызда Курчатов қаласының әкімі «Нұр Отан» партиясы қалалық бөлімшесінің қоғамдық қабылдауында қала тұрғындарын жеке мәселелері бойынша қабылдауын өткізді. Мәселелердің жаң-жақты салада болуын ескере отырып, қабылдауға «Нұр Отан» партиясы Курчатов қалалық бөлімшесі төрағасының бірінші орынбасары Е. Гулькова, ТҮКШ бөлімінің басшысы А. Тоқпақов, жұмыспен қамту орталығының басшысы С. Әзімханов,  ауыл шаруыашылығы және жер қатынастары бөлімінің басшысы Б. Тәжиев, білім беру бөлімінің бас маманы П. Тургамбаева қатысты.

Мемлекетті тұрғын үй қорынан жалға алу немесе сатып алу негізінде баспана алу мәселесі өзекті мәселелердің бірі болып келеді. Сондай-ақ, тұрғындар жұмысқа орналастыру және ауыл шаруашылығын жүргізу үшін жер бөлуге жәрдемдесу бойынша өтініш білдірді. Алмас Аманқолұлы әрбір өтінішті мұқият қарастырып, атқарушы органдардың қызметкерлеріне нақты тапсырмалар берді.

Пікірлер
Құрметті Курчатов қаласының тұрғындарымен қонақтары! Қадірменді жерлестер!
Сіздерді Ұлыстың Ұлы күні Наурыз мейрамымен шын жүректен құттықтаймыз! Наурыз елдің дәстүрінде ежелден жаңа мен жақсының, мейірім мен имандылықтың бастауы болып келеді. Бұл күн жаңару, жасару, рақымшылық уақыты. Мемлекет басшысы Н.А. Назарбаев Наурыз мейрамының  біздің елімізде бірлік пен келісімді сақтаудағы ең басты мерекелерінің бірі екенін атап айтты. Қазақтың ежелгі дәстүрімен Сіздерге Ұлыс оң болсын, ақ мол болсын демекпіз! Осы жыл басы отбастарыңызға бақ пен береке, молшылық пен дәулет болып енсін. Әрқашанда еңбектеріңіздің еселі жемісін көріп, әрбір атқан келешектің нұрлы күнімен шаттықта шыңдалып,  келелі табысқа жете берулеріңізге тілектеспін. Біздің қаламызда болып жатқан оң өзгерістер –  біздің  сіздермен бірлесіп атқарған жұмыстарымыздың  нәтижесі.  Кең байтақ Қазақстанның мәртебесі жолында қолға алған әрбір істеріңіз оң, мерейлеріңіз қашанда үстем болсын!
 
Құрметпен, Курчатов қаласының әкімі, А. Оңдақанов
 Курчатов қалалық мәслихатының хатшысы  Г. Қарымбаева
Пікірлер